Admin-message ONLINECEYLON.NET செய்தித் தளம் உங்களை அன்புடன் வரவேற்கிறது.. Admin-message
Headlines
Admin-message

போக்குவரத்து குற்றத்துக்கு தண்டப் பணம் செலுத்தும் சட்டத்தில் மாற்றம் - பொலிஸ்

Bublished By Online Ceylon on Friday, November 17, 2017 | 7:32 AM



வாகன போக்குவரத்து விதிமுறைகளை மீறுபவர்களுக்கு எதிராக பொலிஸாரினால் வழங்கப்படும் தண்டப்பணத்தை செலுத்துவதற்கான கால அவகாசம் 28 நாட்களாக அதிகரிக்ப்பட்டுள்ளதாக பொலிஸ் தலைமையக போக்குவரத்துப் பிரிவு பணிப்பாளர் சுமித் நிஷ்ஷங்க அறிவித்துள்ளார்.
ஏற்கனவே இந்த தண்டப் பணத்தைச் செலுத்துவதற்கான கால எல்லை 14 நாட்களாக இருந்துவந்தது.  ஒருவர் தொடர்ந்தும் 14 நாட்களுக்கு தண்டப்பணத்தைச் செலுத்தாமல் இருந்து 15 ஆவது நாளை அடைந்து கொள்வாராயின் அவரது தண்டப்பணம் இரட்டிப்பாக்கப்படும் எனவும் பணிப்பாளர் கூறியுள்ளார்.
உதாரணமாக, வரியுடன் கூடிய தண்டப்பணமாக 500.00 ரூபா நியமிக்கப்படும் ஒருவர் அதனை 14 நாட்களுக்கு செலுத்தவில்லையாயின் 15 ஆவது நாள் முதல் அத்தொகை 1000 ரூபாவாக மாறுவதுடன், 10 வீத வரியும் சேர்ந்து 1100.00 ரூபாவை மொத்த தண்டப்பணமாக செலுத்த வேண்டிவரும்.
தண்டப்பணத்தை ஒருவர் 28 நாட்களுக்குள்ளும் செலுத்தாது போனால், அவருக்கு எதிராக நீதிமன்றத்தில் வழக்குத் தாக்கல் செய்யப்படும் எனவும் பொலிஸ் போக்குவரத்துப் பிரிவு பணிப்பாளர் சுட்டிக்காட்டியுள்ளார்.
இதேவேளை, போதையில் வாகனம் செலுத்துதல், வாகனத்துக்கான “லைசன்” மற்றும் காப்புறுதி பத்திரம் என்பன காணப்படாமை உட்பட 6 குற்றச் செயல்கள் தொடர்பில் அறிமுகம் செய்யப்பட்டுள்ள 25 ஆயிரம் ரூபா தண்டப்பணம் இதுவரையில் நடைமுறையில் இல்லையெனவும், இதனை நடைமுறைப்படுத்த இன்னும் சிறிது காலம் தேவைப்படும் எனவும் அவர் மேலும் கூறியுள்ளார்.
நண்பர்களுக்கு பகிரவும் :





0 facebook-blogger:

இந்த செய்தி தொடர்பான உங்கள் கருத்தை பதிவிடவும்

LIKE US ON FACEBOOK

Paid Ad

O/L Pass Papers & Books

Send Your News


Lanka Sri FM Live

பார்வையாளர்கள்

 
Support : Website Design | Online Ceylon Media Unit | MS Mohamed
Proudly powered by Blogger
Copyright © 2016. Online Ceylon - All Rights Reserved